13
Դատարանը չի հաղթահարել Յուրի Խաչատուրովի դիվանագիտական անձեռնմխելիությունը։ Այս մասին սեպտեմբերի 18-ին հայտարարել է նրա փաստաբան Միհրան Պողոսյանը Հակակոռուպցիոն դատարանի նիստում։
Նա հիշեցրել է, որ քրեական հետապնդումը, ինչպես այժմ ներկայացնում է դատարանը, 2018 թվականի հուլիսին նախաձեռնված քրեական հետապնդման շարունակությունն է։ Այսպիսով, այն ժամանակ և հետագայում չի հաղթահարվել Յուրի Խաչատուրովի նկատմամբ միջազգային դիվանագիտական անձեռնմխելիությունը, որն այդ պահին եղել է ՀԱՊԿ գլխավոր քարտուղարը։