Մեկնարկել են Պուտին — Ուիթքոֆ բանակցությունները

Սանկտ Պետերբուրգի Կոնստանտինովյան պալատում մեկնարկել են Ռուսաստանի նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիթքոֆի բանակցությունները։ Հանդիպման գլխավոր թեման Ուկրաինայում հակամարտության կարգավորումն ու խաղաղության առաջարկների քննարկումն է, որոնք մշակվել են ԱՄՆ ներկայացուցիչների՝ ուկրաինական և եվրոպական կողմերի հետ խորհրդակցություններից հետո։

Ուիթքոֆը Ռուսաստան է ժամանել Օսլոյից, որտեղ նախորդ օրը քննարկվել են անվտանգության երաշխիքների, էներգետիկայի և հնարավոր խաղաղ կարգավորման հարցերը։ Ակնկալվում է, որ կողմերը կքննարկեն նաև Մոսկվայի և Վաշինգտոնի հետագա շփումները։