10
ԱՄՆ-ից Հայաստան արտաքսման երրորդ թռիչքը, Sputnik Արմենիայի տվյալներով, տեղի է ունեցել հուլիսին։
Airbus A320-214 ինքնաթիռը ԱՄՆ-ից մեկնելու ճանապարհին այցելել է մի քանի երկիր` ամենայն հավանականությամբ իջեցնելով տեղահանվածներին: Դրանից հետո է վայրէջք կատարել Երևանում։
ՀՀ քանի քաղաքացի է եղել ինքնաթիռում` հայտնի չէ։
Նշենք, որ ՀՀ իշխանությունները հրաժարվում են տեղեկություններ տրամադրել արտաքսման չվերթերի ուղևորների թվի մասին։
Սա այս տարվա ընթացքում արդեն 3-րդ նմանատիպ թռիչքն է ԱՄՆ–ից։ Նախորդ թռիչքը կայացել էր մայիսին։
Նշենք, որ վերջին օրերին Կալիֆորնիայի Գլենդել քաղաքի (առավելապես հայաբնակ) բնակիչները հայտնում են քաղաքում ներգաղթային և մաքսային ծառայության աշխատակիցների ներկայության մասին: