Պետք է ջրի շուկան ազատականացվի. Փաշինյան

«Այսօր մենք ոռոգման ոլորտում գին ենք սահմանել, որի ուղիղ կեսը կառավարությունը սուբսիդավորում է, բայց հենց սահմանված գինը չի արտահայտում իրականությունը։ Կա նաև ուրիշ պրոբլեմ․ այսօր Հայաստանում կան տնտեսվարողներ և ներդրողներ, որոնք ասում են՝ «մենք վճարում ենք ջրի համար, վաճառեք մեզ ջուր»։  Թվում է, թե պարզ և տրամաբանական տնտեսական հարց է դրվում, բայց իրականում էս հնարավորությունները ՀՀ-ում սահմանափակ են առնվազն մեր ունեցած կանոնակարգերի պատճառով։

«Պետք է ջրի շուկա ձևավորել», ասել է նա։

Փաշինյանի խոսքով՝ սա է այն բարեփոխումը, որը ջրային ոլորտում մասնավոր ներդրումների խթան կհանդիսանա։ Ըստ նրա՝ եթե ձևավորվի համակարգ և լինի քաղաքական ուղերձ, որ կարող են ներդրումներ լինել ջրի ոլորտում, և ոռոգման ջուրը կարող է շուկայական հարաբերությունների առարկա լինել, սա կարող է էականորեն փոխել իրադրությունը։