Ադրբեջանը թող մեր ՀԱԷԿ-ի մասին մեզնից շատ չմտահոգվի․ Էդուարդ Մարտիրոսյան

Թող Ադրբեջանը ՀԱԷԿ-ի վիճակով Հայաստանից շատ չմտահոգվի»․ կայանի գլխավոր տնօրեն

Հայկական ԱԷԿ-ի գլխավոր տնօրեն Էդուարդ Մարտիրոսյանը պատասխանել է Ադրբեջանի նախագահ Իլհամ Ալիևի հայտարարությանը, թե Մեծամորի ատոմակայանը անվտանգության սպառնալիք է և պետք է փակվի։

Կայանի գլխավոր տնօրենի խոսքով՝ աշխարհում չկա մեկ այլ ատոմակայան, որտեղ 153 օրվա ընթացքում իրականացված լինեն շուրջ 20 խոշոր արդիականացման միջոցառումներ։ ՀԱԷԿ-ի թիվ 2 էներգաբլոկի պլանային վերանորոգումն ավարտվել է, և սեպտեմբերի 1-ին այն կրկին միացվել է Հայաստանի միասնական էներգահամակարգին։

Նրա խոսքով՝ ՀԱԷԿ-ում կատարված աշխատանքների արդյունքները պատշաճ գնահատականի կարժանանան նաև ՄԱԳԱՏԷ-ի ներկայացուցիչների առաջիկա այցելությունների ընթացքում։