16
Հայաստանի սահմանը հատած ադրբեջանցի հովիվը, ըստ ադրբեջանական ԶԼՄ–ների, եղել է հարբած, ունի հոգեկան առողջության խնդիրներ։ Այս մասին հայտնում է Oxu. az կայքը։
Ինչպես հաղորդվում է՝ նա պարբերաբար ալկոհոլ է օգտագործել։ Այդ օրն էլ անասուններին արածեցնելու համար գնացել է սահմանամերձ տարածք և այնտեղ ալկոհոլ օգտագործել։ Հարբած վիճակում նա անցել է հայկական կողմ և ձերբակալվել Չինարի գյուղի հետ սահմանին։
Ավելի վաղ մամուլում տեղեկություններ էին հայտնվել այն մասին, որ ադրբեջանցի հովիվ է հատել Հայաստանի սահմանը:
Նշվում է, որ սահմանն անցած տղամարդը նախկինում բուժում է ստացել՝ հոգեկան խնդիրներ ունենալու համար։