14
Հայաստանում բենզինի գնի բարձրացման վերաբերյալ ՀՀ մրցակցության և սպառողների շահերի պաշտպանության հանձնաժողովը գրություններ է ուղարկել տնտեսվարողներին։
Այս մասին Aysor.am-ի հետ զրույցում հայտնել է հանձնաժողովի մամուլի խոսնակ Անի Սմբատյանը։ Նրա խոսքով՝ հանձնաժողովը մշտապես ուսումնասիրում է բենզինի շուկան, և այս պահին ևս ուսումնասիրություն է իրականացվում։
Սմբատյանը նշել է, որ տնտեսվարողներին ուղարկված գրությունները վերաբերում են բենզինի արձանագրված գների բարձրացմանը։
Վերջին օրերին «Ապրելու երկիր» կուսակցության համահիմնադիր Մեսրոպ Առաքելյանը հայտարարել էր, որ բենզինի գինը հասել է 600 դրամի՝ այն անվանելով պատմական առավելագույն ցուցանիշ։