Վիզային ռեժիմի սահմանումը ոչ թե Մոսկվայի, այլ Երևանի դեմ կլինի․ Զախարովա

Հայաստանի կողմից Ռուսաստանի քաղաքացիների համար վիզային ռեժիմի սահմանումը քայլ կլինի ոչ թե Մոսկվայի, այլ հենց Երևանի դեմ։

Այս մասին Արևելյան տնտեսական համաժողովում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Եթե Հայաստանը հանկարծ նաև վիզաներ մտցնի, ապա դրանք կմտցնի ոչ թե մեր դեմ, այլ իր սեփական քաղաքացիների դեմ», – լրագրողներին ասել է Զախարովան:

Նա ընդգծել է, որ այդ որոշումը կանդրադառնա նաև Ռուսաստանի այն քաղաքացիների վրա, ովքեր Հայաստանում բազմաթիվ ազգականներ ունեն: