Նիկոլ Փաշինյանի աշխատավարձը 1․5 մլն-ից կդառնա 2․6 մլն դրամ

Վարչապետի, փոխվարչապետների, նախագահի, ԱԺ պատգամավորների, դատարանների նախագահների, գլխավոր դատախազի և մի քանի հարյուրավոր այլ բարձրաստիճան պաշտոնյաների աշխատավարձերը կբարձրանան՝ որոշ դեպքերում գրեթե կրկնապատկվելով։

Կառավարությունն այսօր հավանություն տվեց ««Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում և հարակից օրենքներում փոփոխություններ և լրացումներ կատարելու մասին» օրենքների նախագծերին։ Նոր կարգավորումներով նախագահի բազային աշխատավարձի (83200 դրամ) գործակիցը կդառնա 32, սա նշանակում է, որ նրա աշխատավարձը կկրկնապատկվի՝ 1,5 միլիոնից դառնալով 2,6 միլիոն։ Վարչապետի բազային աշխատավարձի գործակիցը ևս սահմանվել է 32, ուստի նրա աշխատավարձը նույնպես կդառնա 2,6 միլիոն դրամ։

Օրենսդրական փաթեթը վերաբերում է նաև ուժային կառույցների, դատական իշխանության աշխատավարձերին։ Օրինակ, Սահմնանադրական դատարանի նախագահը կստանա ավելի քան 2,4 միլիոն դրամ, գլխավոր դատախազը կստանա ավելի քան 1,8 միլիոն դրամ։

Աշխատավարձերի նոր համակարգն ուժի մեջ կմտնի 2027 թվականի հունվարի 1-ից։