Մոսկվայում կայանալիք ռուս-հայաստանյան բարձր մակարդակի բանակցությունների հիմնական թեմաներն են՝ Հայաստանի ապագա զարգացման և կողմնորոշման որոշումը, ինչպես նաև այս հարցի շուրջ հանրաքվեի անցկացումը, լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը։
«Պետությունների ղեկավարները հնարավորություն կունենան կրկին բոլոր տեսանկյուններից քննարկել մեր երկկողմ հարաբերությունների հիմնական թեման՝ զարգացման ուղղության ընտրությունը, Հայաստանի կողմնորոշումը և համապատասխան հանրաքվեի անցկացումը», — ասել է Պեսկովը։
ՀՀ վարչապետի Ռուսաստան այցի ստույգ ամսաթվի վերաբերյալ Կրեմլի խոսնակը նշել է. «Այցի ճշգրիտ ամսաթվերը կհամաձայնեցվեն դիվանագիտական ուղիներով՝ հաշվի առնելով պետությունների ղեկավարների աշխատանքային գրաֆիկը»։
Նա հիշեցրել է, որ Ռուսաստանի և Հայաստանի ղեկավարների միջև Բիշքեկում վերջերս կայացած բանակցությունների ժամանակ «որոշվել են երկկողմ առևտրատնտեսական համագործակցության հետ կապված որոշ կոնկրետ կետեր»։
«Համապատասխան գերատեսչությունները կաշխատեն այս հարցերի շուրջ, բայց ամենակարևորը՝ պայմանավորվածություն է ձեռք բերվել, որ պարոն Փաշինյանը շուտով կայցելի Մոսկվա, և պետությունների ղեկավարները հնարավորություն կունենան կրկին քննարկել մեր երկկողմ հարաբերությունների հիմնական թեման բոլոր կողմերից», — հավելել է Պեսկովը։