Մահացել է ծագումով հայ Ֆրանսիայի նախկին վարչապետ Էդուար Բալլադյուրը
Ֆրանսիայի նախկին վարչապետ Էդուար Բալլադյուրը մահացել է օգոստոսի 31-ին՝ Փարիզում, 97 տարեկան հասակում։ Նրա մահվան մասին հայտնել է ընտանիքը։
Բալլադյուրը Ֆրանսիայի վարչապետի պաշտոնը զբաղեցրել է 1993-1995 թվականներին՝ նախագահ Ֆրանսուա Միտերանի օրոք։ 1995 թվականին նա առաջադրվել էր նաև Ֆրանսիայի նախագահի պաշտոնում, սակայն պարտվել էր Ժակ Շիրակին։
Էդուար Բալլադյուրը ծնվել էր 1929 թվականի մայիսի 2-ին Զմյուռնիայում՝ ներկայիս Թուրքիայի Իզմիր քաղաքում։ Նրա ընտանիքը հայկական ծագում ուներ․ Բալլադյուրների նախնիները սերում էին Նախիջևանից և 18-րդ դարում տեղափոխվել էին Զմյուռնիա։
Բալլադյուրը Ֆրանսիայի քաղաքականության մեջ հայտնի դեմքերից էր։ Մինչև վարչապետ դառնալը նա զբաղեցրել է նաև տնտեսության և ֆինանսների նախարարի պաշտոնը և եղել է Ժորժ Պոմպիդուի ու Ժակ Շիրակի մերձավոր քաղաքական գործիչներից մեկը։