3
ԱԺ «Ուժեղ Հայաստան» խմբակցության պատգամավոր Ռուբեն Մխիթարյանն անդրադարձել է «Հրազդան ցեմենտ» գործարանի ձեռքբերմանը։
«Օ՜ զարմանք, Նարեկ Նալբանդյանը «ձեռք բերեց» Հրազդան ցեմենտի գործարանը»,- գրել է Մխիթարյանը։
Գործարար Նարեկ Նալբանդյանը դարձել է տարիներ շարունակ չգործող «Հրազդան ցեմենտ» գործարանի նոր սեփականատերը։ Գործարանի ձեռքբերման մասին տեղեկությունը հրապարակվել է նաև Նալբանդյանին պատկանող Eighty Eight Deluxe Hotel-ի պաշտոնական էջում։
Հրապարակված տեղեկատվության համաձայն՝ գործարանի համար նախատեսվում է զարգացման նոր փուլ։ Նախատեսվում է իրականացնել լայնածավալ ներդրումային ծրագիր, որի շրջանակում կվերազինվեն սարքավորումները, կվերականգնվի արտադրական ներուժը և կստեղծվեն նոր աշխատատեղեր։