2026 թվականի սեպտեմբերի 1-ից Հայաստանում վարորդական իրավունքի վկայական ստանալու որակավորման տեսական քննություններն անցկացվում են նոր կարգով։ Գործող միասնական հարցաշարի հարցերը բաժանվել են երկու խմբի՝ A, B, C և D, T կարգերի համար։
A, B կամ C կարգի տրանսպորտային միջոց վարելու իրավունք ստանալու համար դիմորդը քննությունը հանձնում է A, B, C կարգերի համար նախատեսված ընդհանուր հարցաշարով։ Այսինքն՝ օրինակ, B կարգի՝ մարդատար ավտոմեքենա վարելու իրավունք ստանալու դեպքում կիրառվում է հենց այս խմբի հարցաշարը։
Իսկ D կամ T կարգի տրանսպորտային միջոց վարելու իրավունք ստանալու համար դիմորդը պատասխանում է D, T կարգերի ընդհանուր հարցաշարի հարցերին։ Օրինակ՝ D կարգի ավտոբուս վարելու իրավունք ստանալու դեպքում քննությունն անցկացվում է D, T խմբի հարցաշարով։
ՆԳՆ ճանապարհային ոստիկանության պաշտոնական կայքում արդեն հասանելի են վարորդական իրավունքի տեսական քննության հարցաշարերը։ Դրանք ներկայացված են տարբեր լեզուներով, այդ թվում՝ հայերեն, ռուսերեն և անգլերեն։
Տեսական քննության մասնակցության պետական վճարը շարունակում է կազմել 3000 դրամ։ Քննությունը դրական հանձնելուց հետո դիմորդը մեկ տարվա ընթացքում կարող է մասնակցել գործնական քննությանը։