Ֆրանսիայի վարչապետ Սեբաստիան Լըկորնյուն պատրաստվում է տեղական ժամանակով ժամը 19:00-ին միջգերատեսչական ճգնաժամային շտաբի նիստ անցկացնել՝ նախորդ օրվա զանգվածային բողոքի ցույցերի ընթացքում տեղի ունեցած անկարգությունների հետևանքների առիթով, հայտնում է BFMTV-ն։
Ուշադրության կենտրոնում կլինեն տնտեսության և առևտրի համար հետևանքները, ապահովագրության հարցերը և դատական գործընթացների ընթացքը։
Մարսելի քաղաքապետ Բենուա Պայանը, իր հերթին, պահանջել է բացատրել, թե ինչ հրահանգներ էին ստացել անվտանգության ուժերը անկարգությունների ժամանակ։ Նա մատնանշել է Լիմոժի քաղաքապետարանի հրկիզումը, Լիլի քաղաքապետարանի վրա հարձակումը և գործարարների համար պաշտպանության բացակայությունը։
«Սա հանրապետության մասին իմ պատկերացումը չէ։ Այս երկրում կա իրավական պետություն, որը պետք է հարգել։ Հասարակական կարգն ու ցույցեր անցկացնելու իրավունքը դրա մի մասն են, և ոչ մեկը, ոչ մյուսը չեն պահպանվել», — ասել է Պայանը։