Կարգելվի Էջմիածին-Երեվան ավտոբուսների կայանումը մատենադարանի մոտ

կողմից admin1

Երևանի քաղաքապետի մամուլի խոսնակ Ջուլիետա Ազարյանը գրել է.

«Չնայած այն հանգամանքին, որ 203 համարի՝ Էջմիածին–Երևան երթուղին սպասարկող ավտոբուսների վերջնակետը պայմանագրով ի սկզբանե սահմանված է եղել Երևանի «Կիլիկիա» ավտոկայանը, ընդառաջ գնալով քաղաքացիների բազմաթիվ առաջարկներին՝ նախատեսվում է վերջնակետը տեղափոխել Մատենադարանի հարակից տարածք՝ բացառապես ուսանողներին իջեցնելու և նստեցնելու նպատակով։

Միաժամանակ հստակ արձանագրենք, որ Մատենադարանի հարակից տարածքը ավտոկայանատեղիի վերածելու որևէ տարբերակ չի քննարկվում և չի թույլատրվելու։ Այդ հատվածում ավտոբուսների կանգառը նախատեսված է լինելու բացառապես ուղևորների իջեցման և նստեցման համար՝ առանց տրանսպորտային միջոցների կայանման հնարավորության»։

Հիշեցնենք, որ այսօր  Վաղարշապատի համայնքապետարանը հայտարարություն էր տարածել, ըստ որի, Էջմիածին-Երևան ավտոբուսների վերջնակետը Երևանում կլինի «Կիլիկիա» ավտոկայանը։

Ձեզ կարող է նաև դուր գալ

Focus Mode