ՌԴ տրանսպորտի նախարարի խորհրդական Ալեքսեյ Չադաևը որոշել է հեռանալ պաշտոնից՝ Ադրբեջանի կողմից իրեն հետախուզման մեջ հայտարարելուց հետո։
Չադաևը հայտնել է, որ չի ցանկանում իր անձնական փորձագիտական դիրքորոշումները խոչընդոտ դառնան Ռուսաստանի և Ադրբեջանի միջև միջպետական համագործակցությանը։ Նա նշել է, որ զբաղվում է անօդաչու թռչող սարքերի, տեխնոլոգիական ինքնիշխանության և քաղաքական գործընթացների թեմաներով։
Օգոստոսի 17-ին Ադրբեջանի գլխավոր դատախազությունը Չադաևին, քաղաքական խորհրդատու Սեմյոն Ուրալովին և «Մոսկվա 24»-ի նախկին հաղորդավար Իվան Կնյազևին հայտարարել էր հետախուզման մեջ։ Ադրբեջանի իշխանությունները նրանց մեղադրում են ահաբեկչության կոչերի, տարածքային ամբողջականությունը խախտելու և ազգային ատելություն հրահրելու մեջ։
Չադաևը նշել է, որ պաշտոնը լքելուց հետո ևս շարունակելու է աշխատել նույն ոլորտում։