Այսօր՝ հոկտեմբերի 1-ին, ժամը 14:00-ին, ԱԺ Մարդու իրավունքների պաշտպանության և հանրային հարցերի մշտական հանձնաժողովում կքննարկվի Աննա Հակոբյանի հեղինակած օրենսդրական նախաձեռնությունը՝ «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» օրենքում փոփոխություններ և լրացումներ կատարելու մասին։
Նախագիծը կքննարկվի առաջին ընթերցմամբ։
Նախագիծը ներկայացրել են «Քաղաքացիական պայմանագիր» խմբակցության պատգամավորներ Սոնա Ղազարյանը, Զարուհի Բաթոյանը և Ծովինար Վարդանյանը։
Օրենսդրական փաթեթով առաջարկվում է փոփոխություններ կատարել մի շարք իրավական ակտերում։
Ավելի վաղ Աննա Հակոբյանը հայտարարել էր, որ ընտանեկան բռնության դեմ պայքարի օրենսդրական նոր փուլ է սկսվում։
Նա առաջարկել էր նաև փոփոխություններ կատարել Քրեական օրենսգրքում՝ ընտանեկան բռնությունը որպես առանձին, ինքնուրույն հանցագործություն սահմանելու նպատակով։