38
Նախօրեին Սոթքի զորամասում մահացած հայտնաբերված զինծառայողը Գեղարքունիքի մարզի Գավառ բնակավայրից էր՝ Նարեկ Բադալյանը։ Նա 19 տարեկան էր, մեկ տարի առաջ էր զորակոչվել բանակ։
6 ամիս ծառայելուց հետո նա դիմում էր գրել և անցել պայմանագրային ծառայության։ «Շատ լավ տղա էր, ապրում էր մեծ եղբոր և մայրիկի հետ։ Ահավոր ցավ է բոլորիս համար, կատարվածից ցնցված ենք, մինչև հիմա ուշքի չենք գալիս»,– NEWS.am—ի հետ զրույցում ասացին Գավառի բնակիչներից մեկը, ով ճանաչում է ընտանիքին։
Հիշեցնենք՝ նախօրեին Սոթքի զորամասում մահացել է պայմանագրային զինծառայող Ն. Բ.-ն:
Նախնական տեղեկություններով՝ զինծառայողը կրակել է իր գլխին։