Oragir.News-ի խմբագրություն է դիմել քաղաքացի Արկադի Ղազարյանը՝ տեղեկացնելով, որ «Երևան Սիթի» սուպերմարկետների ցանցերից մեկում իր նկատմամբ բռնություն է գործադրվել։
Քաղաքացու հաղորդմամբ՝ «Փակ շուկայի» մասնաճյուղի անվտանգության պետ Արման Մանուկյանը ֆիզիկական հաշվեհարդար է տեսել իր աշխատակցի հետ՝ աշխատանքից ընդամենը 20 րոպե ուշանալու պատճառով։
«Զանգել, ասել են, որ ես չեմ եկել պարկինգ (ավտոկանգառ)։ Հետո, երբ արդեն եկել եմ, 20 րոպե ուշանալու համար սկսվել է անիմաստ քաշքշուկ։ Սկսել է քաշքշել ու հարվածել ինձ»,- մեզ հետ զրույցում մանրամասնեց Արկադի Ղուկասյանը։
Միջադեպից անմիջապես հետո տուժած աշխատակիցը դիմել է իրավապահ մարմիններին և հաղորդում ներկայացրել կատարվածի մասին։
Ըստ Արկադի Ղազարյանի՝ ահազանգից հետո անվտանգության պետ Արման Մանուկյանին կանչել են ոստիկանություն, սակայն ընդամենը մեկ ժամ անց նրան բաց են թողել։ Մեր զրուցակցի խոսքով՝ իրեն բռնության ենթարկած պետը բնականոն շարունակում է պաշտոնավարել և հանգիստ հաճախում է աշխատանքի։