ԱԺ նախկին նախագահ Հովիկ Աբրահամյանի անունը շոշափող նոր քրեական վարույթը՝ առևանգման փորձի, խարդախության, կաշառքի վերաբերյալ՝ Քննչական կոմիտեից տեղափոխվեց Հակակոռուպցիոն կոմիտե, տեղեկացնում են ՀՀ գլխավոր դատախազությունից։
Տղամարդը հաղորդմամբ նշել է, որ Հ. Աբրահամյանը 2026 թ. մայիս ամսից իրենից պահանջել է, որ առհասարակ չզբաղվի շաքարավազի ներկրմամբ, միայն միջնորդ լինի, որ շաքարավազ ներկրի ԱԺ նախկին պատգամավոր Սամվել Ալեքսանյանը, որի դիմաց առաջարկել է 15-20 հազար դոլար գումար, քանի որ դա 30 տարուց ավելի համարվել է Սամվել Ալեքսանյանի բիզնեսը, հակառակ դեպքում իրեն սպառնացել է, որ ոտքերը կջարդեն կամ մի օր մի տեղ կխփեն։
Հաղորդման առթիվ ՔԿ ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում նախաձեռնվել է քրեական վարույթ՝ մարդ առևանգելու փորձի, առանձնապես խոշոր չափերով խարդախության, առանձնապես խոշոր չափերով շորթման, ուրիշի գույքն ապօրինի օգտագործելու և մասնավոր ոլորտում առանձնապես խոշոր չափերով կաշառք տալու դեպքերի առթիվ։
ՔԿ-ն քրեական վարույթն ուղարկել էր հսկող դատախազին՝ քննչական ենթակայությամբ ՀՀ հակակոռուպցիոն կոմիտե ուղարկելու հարցը քննարկելու նպատակով։ Գործն ուղարկվել է ՀԿԿ։