12
Հայաստանի հավաքականի անդամ, գերծանր քաշային (130 կգ) Արամայիս Հարությունյանը Մ-23 տարեկանների առաջնությունում հաղթեց ադրբեջանցի ըմբիշ Մազաիմ Մարդանովին, հայտնում է Հայաստանի ըմբշամարտի ֆեդերացիան։
«Հայ ըմբիշը իրավունք ստացավ պայքարելու առաջնության բրոնզե մեդալի համար»,– ասված է հաղորդագրությունում
Բրոնզե մեդալի համար գոտեմարտում հայ ըմբիշի մրցակիցը կլինի Ուզբեկստանի ներկայացուցիչ Ջոհար Ուզարովը։
Մինչև 23 տարեկանների ըմբշամարտի աշխարհի առաջնությունն ընթանում է Ամերիկայի Միացյալ նահանգների Նևադա նահանգի Լաս Վեգաս քաղաքում։ Առաջնությունը մեկնարկել է հոկտեմբերի 12-ին և կավարտվի 18-ը։