Թուրքիայի և Ադրբեջանի միջև պառակտում սերմանելու փորձերը դատապարտված են ձախողման. Էրդողան

կողմից badoyan

Թուրքիայի և Ադրբեջանի միջև պառակտում սերմանելու փորձերը դատապարտված են ձախողման, հայտարարել է Թուրքիայի նախագահ Ռեջեփ Թայիփ Էրդողանը՝ Ադրբեջանից վերադառնալիս։

Էրդողանը ինքնաթիռում լրագրողների հետ զրույցում նշել է, որ երկու երկրների միասնությունն ակնհայտ անհանգստություն է առաջացնում որոշակի շրջանակներում։

«Բավական է հայացք նետել պատմությանը՝ հասկանալու համար, թե ինչի են ընդունակ Թուրքիան, Ադրբեջանը և մյուս թյուրքական պետությունները, երբ գործում են համատեղ։ Մենք տարբեր պետություններ ենք՝ տարբեր ինստիտուցիոնալ կառուցվածքներով։ Սակայն մեզ ամուր կապում են եղբայրական կապերը։ Հենց այդ կապն է մեզ ուժ տալիս։ Մեր եղբայրությունը մեր ընդհանուր անցյալի, մշակութային ժառանգության և այն մեծ հարստության ամենահուսալի երաշխիքներից մեկն է, որը մենք փոխանցելու ենք ապագա սերունդներին», ասել է Էրդողանը։

Նա նաև շեշտել է. «Թուրքիան և Ադրբեջանն այսուհետ ևս ուս-ուսի տված միասին առաջ են գնալու տարածաշրջանում խաղաղության, կայունության և բարգավաճման ապահովման ճանապարհով»։

 

Ձեզ կարող է նաև դուր գալ

Focus Mode