Նույնիսկ ՀԱՊԿ ձայնի իրավունքից զրկվելու դեպքում Երևանը կպահպանի հավաքական անվտանգության իրավունքը, հայտարարել է ՌԴ արտաքին գործերի նախարար Սերգեյ Լավրովը։
«Ուզում եմ ընդգծել, որ նույնիսկ այս որոշման ընդունումից հետո (ՀԱՊԿ-ում ձայնի իրավունքից զրկելու մասին) հայ գործընկերները փաստացի կպահպանեն Հավաքական անվտանգության պայմանագրով նախատեսված բոլոր հիմնական իրավունքները, այդ թվում՝ բուն հավաքական անվտանգության իրավունքը», — ասել է նա ՀԱՊԿ գլխավոր քարտուղար Թաալաթբեկ Մասադիկովի հետ համատեղ նիստի արդյունքներով կայացած մամուլի ասուլիսում։
«Մենք ստիպված էինք քննարկել ՀԱՊԿ կանոնադրությամբ ստանձնած պարտավորությունները` Հայաստանի կողմից տարեկան վճարների չկատարելու հարցը։ Այստեղ երկիմաստություն չկա։ 2024 թվականից ի վեր` երկու տարուց ավելի, Երևանը չի վճարել իր անդամակցության վճարները, այդ իսկ պատճառով բարձրացվել է ՀԱՊԿ կանոնադրության 25-րդ հոդվածը դրա նկատմամբ կիրառելու հարցը», — ասել է նախարարը։