Wildberries-ը տեղափոխում է լոգիստիկ կենտրոնները

Ռուսական խոշոր առցանց առևտրային հարթակ Wildberries-ը սկսել է Ղազախստանում նոր պահեստային տարածքների որոնում։ Ընկերությանը անհրաժեշտ է շուրջ 100 հազար քմ տարածք, սակայն այն պատրաստ է օգտագործել նաև երկրում առկա ազատ պահեստները։

Ըստ հրապարակումների՝ քայլի նպատակը լոգիստիկ ենթակառուցվածքների հնարավոր ռիսկերից պաշտպանությունն է։ Ավելի վաղ հաղորդվում էր, որ հարվածների հետևանքով կարող էին վնասվել Wildberries-ի մի քանի պահեստային համալիրներ, որոնք կազմում են ընկերության լոգիստիկ ցանցի մոտ 8%-ը։

Միաժամանակ Wildberries-ը շարունակում է ընդլայնել իր գործունեությունը Ղազախստանում․ Ալմաթիում կառուցվում է ավելի քան 100 հազար քմ տարածքով նոր համալիր, իսկ Աստանայում նախատեսվում է ևս մեկ պահեստային կենտրոն։