Մահացել է «Սոպրանոներ» սերիալի աստղ Վինսենթ Պաստորեն

«Սոպրանոներ» հայտնի սերիալի երկրպագուները սգում են դերասան Վինսենթ Պաստորեի մահը։ Նա, ով HBO-ի հիթային սերիալում մարմնավորում էր Սալվատորե «Մեծ Պի» Բոնպենսիերոյի կերպարը, մահացել է 80 տարեկանում։

Դերասանի մահը հաստատել են նրա մենեջերները՝ նշելով, որ Պաստորեն ավելի քան 30 տարվա կարիերայի ընթացքում եղել է բացառիկ մարդ՝ ջերմ ու հոգատար վերաբերմունքով իր շրջապատի և երկրպագուների հանդեպ։

Պաստորեն հայտնի էր հատկապես մաֆիոզների դերերով՝ նկարահանվելով «Լավ տղաները», «Կառլիտոյի ճանապարհը» և «Գոտտի» ֆիլմերում։ Սակայն նրա ամենանշանավոր դերը դարձավ 1999 թվականին «Սոպրանոներ» սերիալում՝ Սալվատորե «Մեծ Պի» Բոնպենսիերոյի կերպարը։