ԸԸՀ-ն պահանջում է դուրս թողնել Սպիտակում ՔՊ-ի համայնքապետի թեկնածուին ընտրապայքարից

կողմից badoyan

Ընտրատարածքային ընտրական հանձնաժողովը վարչական դատարան կդիմի՝ Սպիտակում իշխող «Քաղաքացիական պայմանագրի» թեկնածու Քաջայր Նիկողոսյանի գրանցումն ուժը կորցրած ճանաչելու համար:

Թիվ 22 ընտրատարածքային հանձնաժողովն այսօր գումարած նիստում որոշեց, որ համայնքապետի թեկնածու Քաջայր Նիկողոսյանը, ով նաև Սպիտակի գործող քաղաքապետն է, այլ ուժի ընտրացուցակում ընդգրկված ենթականերին աշխատանքից ազատելով՝ նպատակ է ունեցել առավելություն ստանալ մրցակիցների նկատմամբ:

Սա, ըստ հանձնաժողովի, կարող է «էական ազդեցություն ունենալ ընտրությունների արդյունքների վրա»։ Ընդ որում նշվեց, որ «թեկնածու Քաջայր Նիկողոսյանի գործողությունները կարող են ունենալ ոչ միայն ինստիտուցիոնալ, այլև հոգեբանական ազդեցություն, այդ թվում՝ ճնշում գործադրելը»:

Ընտրատարածքային ընտրական հանձնաժողովը դատարան դիմելու համար եռօրյա ժամկետ ունի:

Ձեզ կարող է նաև դուր գալ

Focus Mode