Դեպի խաղաղություն՝ ի շահ ՌԴ-ի և Ուկրաինայի ժողովուրդների. Պուտինի օգնականը՝ Աբու Դաբիի բանակցությունների մասին

կողմից badoyan

Աբու Դաբիում ընթացող եռակողմ բանակցություններում Ռուսաստանի և Ուկրաինայի պատվիրակությունների ղեկավարները շեշտել են, որ աշխատում են խաղաղությունն ավելի մոտ դարձնելու ջանքերը։

Ըստ «Ինտերֆաքս» գործակալության՝ ԱՄՆ նախագահի խորհրդական և փեսա Ջարեդ Քուշներն հերթին հույս է հայտնել, որ եռակողմ բանակցությունները «շատ արդյունավետ» կլինեն։

Աբու Դաբիում Ուկրաինայի հարցով եռակողմ բանակցությունների մասնակիցները կքննարկեն Միացյալ Նահանգների, եվրոպական երկրների և Ուկրաինայի կողմից համատեղ մշակված բազմաթիվ գաղափարներ, հայտարարել է Քուշները։ «Մենք համատեղ ձևակերպել ենք այդ գաղափարներից շատերը», հավելել է նա։

Իր հերթին Ռուսաստանի նախագահի օգնական, ռուսական պատվիրակութան ղեկավար Վլադիմիր Մեդինսկին հայտարարել է. «Հուսով ենք, որ այսօրվա հանդիպումը՝ ներկայացուցչական կազմով, հաշվի առնելով, որ մեր պատվիրակությունն ընդլայնվել է և դարձել ավելի պրոֆեսիոնալ, թույլ կտա մեզ առաջընթաց գրանցել դեպի խաղաղություն՝ ի շահ Ռուսաստանի և Ուկրաինայի ժողովուրդների»։

Նա շեշտել է, որ աշխատանքն իրականացվում է՝ «Ռուսաստանի և Ուկրաինայի ժողովուրդների շահերից ելնելով»։

Ուկրաինական պատվիրակությունը գլխավորող Ազգային հետախուզության ծառայության ղեկավար Ռուստեմ Ումերովը հայտնել է օրակարգային որոշ կետերի մասին։ «Անցել ենք բանակցությունների եռակողմ ձևաչափին՝ Ուկրաինա-ԱՄՆ-Ռուսաստան։ Օրակարգում են ռազմական գործողությունների դադարեցման և խաղաղության հասնելու առանցքային հարցերը», նշել է նա։

ԱՄԷ-ի մայրաքաղաք Աբու Դաբիում ընթացող ԱՄՆ-ի, Ռուսաստանի և Ուկրաինայի եռակողմ բանակցությունները կտևեն մինչև վաղը։

Ձեզ կարող է նաև դուր գալ

Focus Mode